„Србија не може да се смири“ е новиот слоган на протестите ширум Србија вечерва. Тие се резултат и на завчерашните и вчерашните брутални интервенции на српската полиција посебно во градот Ваљево кога две групи полицајци буквално се изживуваа колективно тепајќи две млади момчиња на под полнолетна возраст, чин кој испровоцира дополнителни протести како во Ваљево така и во цела Србија.
Протестите што пред половина година ги покрена студентите во Србија поради падот на настрешницата на железничката станица во Нови Сад кога загинаа 16 граѓани, се насочени против коруптивната власт во земјата предводена од српскиот претседател Вучиќ и неговата политичка партија СНС.
Во Ваљево, градот каде што полицијата ги претепа двете момчиња, мала група маскирани момчиња издвоени од масата протестанти, со пиротехнички средства вечерва ги нападнаа, ги демолираат и ги запалија просториите на градскиот одбор на партијата на власт.