Докторите не си допишувале бодови во Градската болница “8 Септември“, констатирале инспекциските служби кои од утринава ја проверуваат целокупната документација во болницата. Ова за НОВА го потврди раководството на болницата, и не само што не допишувале бодови туку евидентирале помалку од она што го прикажале.
– Лекарите имаат направено повеќе услуги од што прикажале бидејќи дежурството се бодира со единица, а најголем дел од тие услуги се направени тогаш. Тие здравствени услуги како што е ехо, колпоскопии, разни снимања се сработени но не се евидентирани, односно се означени со бодот единица. Инспекциите направија кардинална грешка која се надевам дека ќе ја исправат, вели за НОВА директорот Сашо Стојчев.
Според Стојчев, во болницата имаат од 10 до 15 проценти повеќе сработени здравствени услуги од тоа што е прикажано.
Целата лавина тргна откако двајца лекари од одделот за очни болести ја пријавиле својата колешка која си допишувала бодови. И покрај предупредувањето од раководството таа не сакала да ги корегира бодовите.
Нефицијално, против неа ќе биде покрената судска постапка бидејќи како што велат од таму, го извалкала името на болницата и на останатите лекари. Таа е на листата ТОП 100 наградени доктори кои најмногу сработиле во изминатиот месец.
Станува збор за блиска роднина на актуелен директор на една клиника од редовите на ВМРО ДПМНЕ и реформатор во здравството. Тодоров затоа ја стопираше исплатата, а наградените доктори еден по еден ќе ги проверува дали лажирале податоци.
Останува да се види дали министерот Тодоров ќе ги потврди овие информации во јавноста и доколку ги потврди дали ќе се коригира, а лекарите очекуваат и извинување.
Еве што изјави вчера министерот Тодоров: