Судијката од Кривичниот суд Добрила Кацарска е предложена за Уставен судија. Сите 12 членови на Судскиот совет едногласно го поддржале предлогот таа да биде Уставен судија. Сега предлогот ќе биде препратен до Собрание каде пратениците треба да ја изберат на функцијата. Кацарска е предлог на местото на судијата Владимир Стојановски кому му истече мандатот во април, среде пандемија и вонредна состојба
Кацарска е судија 30 години. Покрај од кривичната, судела и предмети од граѓанската област. Од предметите на СЈО и од оние од висок јавен интерес на редовното ОЈО за организиран криминал, позната е по судењата „Тенк” , „Триста”, „Транспортер”, „Поткуп”, „Организиран напад на Собранието на 27 април 2017 година”. Последниве две судења беа со 30-тина обвинети, но таа одамна ги заврши.