Скопје се подготвува за големиот фудбалски спектакл – УЕФА Супер Купот, кој ќе се одржи во вторник во Скопје каде ќе се сретнат двата најтрофејни клубови во Европа, Реал Мадрид и Манчестер Јунајтед.
На плоштадот „Македонија“ веќе е организирана „неутралната фан зона“ каде посетителите можат да се фотографираат со трите трофеи на УЕФА, трофеите на Супер Купот, Лигата на шампионите и Лига Европа.
Скопје има и маскота на Супер Куп 2017 Скопје.
На плоштадот Македонија овие два дена ќе има концерти на домашни музичари и диџеи.
Град Скопје подготви и специјални „собирни точки или точки на тргнување“ за двете групи на навивачи од каде ќе се упатат кон Арената во боите на својот омилен клуб.
Навивачите на Реал Мадрид ќе се сретнат на плоштад „Филип Втори“, а навивачите на Манчестер Јунајтед на платото пред спомен куќата на „Мајка Тереза“.