По наглиот пораст на бројот на заразени од КОВИД-19 Шефот на службата за итни случаи на СЗО Мајкл Рајан упати порака и апел до властите до властите сите оние луѓе кои имале контакт со потврден случај на коронавирус да бидат ставени во изолација, се со цел спречување на ширење на болеста.
– Ако имав право на една желба, со цел да подобриме само една работа што навистина можеме да ја поправиме и да ја смениме ситуацијата, тоа ќе биде да се осигура дека секој поединец кој бил во контакт со потврден случај на Ковид е во карантин за потребниот период, да се скрши ланецот на пренесување, рече Рајан на прес-конференција во Женева.
Според него, тоа не е направено ниту се прави на систематски начин и тоа е една од главните причини што има толку високи бројки.
– Околу половина од земјите во европскиот регион на СЗО минатата недела забележаа 50 проценти зголемување на бројот на инфекции, рече Рајан.