На Избирачкото место во ОУ “Кирил и Методиј” во Тетово гласаше и Кандидатот за Претседател на ДПА Илјаз Халими кој истакна дека е задоволен како засега се одвива процесот.
„Тукушто ја остварив граѓанската должност и гласав на претседателските избори и гледам дека изборите поминуваат во мирна атмосфера и верувам дека вака ќе биде до затворање на гласачките места до 19.00 часот и се надевам дека граѓаните ќе имаат можност на демократски начин да ја искажат својата слободна волја на овие избори,“ изјави Халими пред новинарите.
На избирачко место во “Стара Градинка” во Тетово гласаше и Претседателот на ДПА Мендух Тачи.
„Чудно е затоа што 12 години имавме гласање во тензија и проблеми, но, како што изгледа, денеска е мирно затоа што ДУИ не учествува на овие избори. Имаме разни информации од Зајас, Шипковица и неколку зони во Скопје за притисок врз гласачите. Ние како ДПА реално денеска сме во тешка ситуација,затоа што бојкотот на ДУИ, албанскиот глас ја прави отворена.Оваа не е таен глас и не се почитува принципот на демократијата .Сепак имам многу надеж дека навечер ќе имаме позитивен резултат,“ рече Мендух Тачи.