Косовскиот премиер Хашим Тачи синоќа на седницата на Советот за безбедност на ОН во Њујорк изјави дека по локалните избори на Косово е исклучена поделба или федерализација на земјата по етнички линии.
Тачи додаде дека локалните избори биле слободни и дека се оддржани во мирна атмосфера, освен на три избирачки места на северот од Косово, каде, како што рече, инцидентите ги предизвикале „српски екстремистички групи“.
– Косовската Владата беше определена за фер и слободни избори и меѓународните набљудувачи ги пофалија, со што покажавме дека дојде до консолидација на институциите во Косово, изјавиТачи.
Бојкотот на изборите на Косово пропадна, а на 1 декември ќе се оддржи вториот круг на гласање во 24 косовски општини, додаде тој.
Тачи изјави и дека идната Заедница на српски општини ќе биде во согласност со косовските закони и дека ќе нема извршни и законодавни функции, како и дека нема да може да ги замени општинските надлежности, како и тоа дека косовската царина од 14 декември ќе почне со наплата.
2013 година Тачи ја смета историска за регионот поради договорот за нормализација на односите меѓу Белград и Приштина и влезот на Хрватска во Европската унија.