Тамара Тодевска која вечерва со песната „Proud“ ја претстави нашата земја на Евровизија, успеа да се пласира во финалето кое ќе се одржи сабота.
Во финалната вечер на Евровизија свој настап ќе има и светски познатата Мадона.
Тамара вечерва настапи под реден број 17, а придружни вокали ѝ беа Александра Јанева, Антонија Гиговска и Васил Гарванлиев.
Автори на песната се Роберт Билбилов, Лазар Цветковски и Дарко Димитров, а текстот е на Коста Петров и Сања Поповска.