Градоначалникот на Гостивар, Арбен Таравари, смета дека министерот за здравство Венко филипче треба да донесе одлука со која ќе го стави приватното здравство, кое енромно профитира од кризата, во функција на државата.
„Алармантно е, бројките се загрижувачки. Во Велика Британија имаше 254 починати, кај нас има 263 починати. Ова се загрижувачки бројки, да не зборуваме за капацитетите во болниците. Како лекар зборувам, повеќето пријатели ми кажуваат дека нема место по болниците, има огромен број пациенти кои се третираат во домашни услови. Мора државата да направи протокол по кој ќе се водат фамилијарните доктор. Се уште не можам да разберам зошто министерот не презема чекори приватните болници да бидат напомош. Таму се наплаќа петпати, па и десетпати поскапо. Крајно време е министерот да донесе одлуки сите капацитети во приватните клиники да и се отстапат на државата, додека трае овој трет пик. Македонија е на петто место во свет по починати на милиони жители за последните 7 дена од 153 држави кои се испитуваат, кои даваат официјални податоци. Први сме во регионот по стапка на смртност, а за жал недостасуваат се уште вакцини, последни сме во регионот“ – вели Арбен Таравари, градоначалник на Гостивар во Студио 10 на ТВ24.