Во египетскиот главен град Каиро утринава тивко по жестките судири меѓу полицијата и демонстрантите во кои загинаа стотици луѓе, а меѓународната зедница побара воздржаност.
Најмалку 525 лица загинаа кога египетските безбедносни сили го нападнаа двата капма поддржувачи на соборениот претседател Мохамед Морси поставени во градот минатиот месец.
Водачите на демоснтрациите упорно зборуваат за над две и пол илјади мртви и десетици илјади повредени.
Двајца новинари вчера беа убиени во Каиро, Мајкл Даглас (61), камерман на британската телевизија „Скај њуз“, и 26-годишната Хабиба Ахмед Абд Елазиз, дописник неделникот „Експрес“ од Дубаи. Даглас бил застрелан додека ја снимал операцијата на расчистување на камповите на приврзениците на Морси во Каоро. Фотограф на Ројтерс бил прострелан во нога, додека го снимал насилството, и веднаш бил префрлен во болница.
Уапсени се повеќе лидери на Муслиманското братство, организацијата која ги предводеше протестите и која повика египетскиот народ насилно да им се спротистави на војската и на полицијата.
Воведена е вонредна состојба на територијата на целата држава, а прогласен е и полициски час во неколку египетски градови.
Вршителот на должноста претседател на Египет Адли Мансур и нареди на војската да и помогне на полицијата во напорите да воспостави ред во земјата.
Турскиот премиер Реџеп Таип Ердоган го повика денеска Советот за безбедност на Обединетите нации да одржи итна седница, на која ќе биде разгледана ситуацијата во Сирија, која ја оцени како масакр.
– Оние кои го премолчуваат овој масакр се исто толку виновни, колку и оние кои го извршиле. Советот за безбедност на ОН треба итно да заседава, истакна Ердоган на прес-конференција во Анкара.
Американскиот државен секретар Џон Кери изјави дека последните настани се “вистински удар за напорите за помирување”.
Министерт за надворешна политика на ЕУ, Кетрин Ештон, и генералниот секретар на ОН, Бан Ки-Мун, исто така, ја осудија употребата на сила.
Исламистот Морси беше соборен од власта при воената интервенција на 3 јули, годинава.