Најнова вест: Сашка Цветковска јавува дека по интервенција на полицијата, ситуацијата е ставена под контрола и во моментов, во тој реон е мирно
Вечерва, две групи млади од македонска и албанска националност се степале пред “Колосеум”, во близина на Железничката станица. Полицијата привела неколкумина, јавува нашиот репортер Сашка Цветковска, која додава дека причината за тепачката се уште е непозната.
Неофицијално, станува збор за ученици од училиштето Димитар Влахов, кое се наоѓа во близината на Железничка.
Оштетени се два автобуса број 70 и 55 на Јавното сообраќајно претпријатие во тепачка што се случи вечерва околу 19 часот и 40 минути во близина на бензиската пумпа на „Макпетрол“ кај новата Железничка станица.
Според првичните информации од полицијата, станува збор за нарушување на ред и мир што го предизвикале две групи помлади лица.
Инаку, во тој реон беа паркирани автобуси од внатрешноста на Македонија, кои беа специјално довезени заради прославата на Плоштадот по враќањето на Јохан Тарчуловски од Хаг.