Според последните информации на белгиската агенција Белга, тројца од терористите од синоќешните напади во Париз, живееле во Брисел.
Голема полициска операција се одвиваше денес во квартот Моленбек во Брисел. Силно вооружена полиција и службата за уништување на експлозиви се наоѓаат во оваа општина а метро станиците се затворени.
Досега нема официјални информации дека оваа акција е поврзана со нападите во Париз. Сепак, извори блиски до полицијата и потврдиле на белгиската франкофонска телевизија, дека акцијата е во тесна врска во париските настани. Еден човек бил уапсен.
Според францускиот Л Монд, еден од автомобилите употребени во вчера во Париз за време на нападите, имал белгиска регистрација. Сведок изјавил дека видел две црни коли од кои едната со белгиски таблички.
Но, белгискиот министер за внатрешни работи изјави напладне дека полицијата ги има тие информации но се уште не може да ги потврди а обвинителството исто така засега не сака да реагира. Според министерот, засега Белгија не планира да го зголеми нивното на безбедност во земјата бидејќи нема информации за можен напад.
Полиција најави прес конференција во текот на вечерта.