Спасувачките тимови во Турција сè повеќе се соочуваат со влошена безбедносна ситуација, поради што австрискиот, германскиот и израелскиот тим ја суспендураа својата работа. Шефот на хрватскиот тим го потврдува истото.
Тимовите во Турција се соочуваат со конфликти меѓу локалното население, заедно со употреба на огнено оружје, кражби, грабежи и воена интервенција, потврди во телефонски разговор за Нови лист Синиша Бадовинац, командант на теренските операции на хрватскиот тим.
Тој рече дека е тешко да се работи без придружба од полицијата или војската, а во близина на еден од хрватските тимови за пребарување во саботата дошло до конфликт меѓу две поголеми групи локални жители, имало и пукање, а се вклучила и војската .
„Колегите од Украина, со кои го делевме подрачјето за пребарување, беа нападнати за време на потрагата, а нивниот командант ги повлече сите сили во базата, од која веќе не излегуваат на терен без полициска придружба“, изјави за Нови лист командантот Бадовинац, командант на хрватската Државна единица за интервенција за Цивилна заштита во Риека.
„Се сè краде. На мета се првенствено продавниците, односно она што остана од нив и аптеките. Сите тие се уништени и се празни. Ништо не функционира, така што е невозможно да се купи нешто. Снабдувањето со гориво е особен проблем, бидејќи ниту една бензинска пумпа во градот и околината не работи, па всушност е невозможно да се набави нешто што можеби ќе ви треба. На терен пристигнавме целосно опремени за период од десет дена работа, така што ништо не ни недостига во поглед на залихи, вели Бадовинац, додавајќи дека локалното население се снабдува на тој начин што залихи од храна, вода, облека и други потреби буквално им се оставаат на улица, на секои сто метри, па секој си зема што му треба“.