Вака ќе изгледа новиот Клинички центар кој ќе започне да се гради на почеток од идната година, а неговата изградба е предвидено да трае во наредните три години.
Во реализацијата на ова идејно решение била агажирана проектанската куќа АРЕН СРЛ од Италија, во конзорциум со Ин Пума, Прототип и стручниот консултант Клемнс Диц од Германија. По ова следи фаза на изработка на основниот проект кој треба да биде готов за шест месеци, а вкупната сума за изработка на проектот е 1 300 000 евра.
Изградбата на објектот на новиот Клинички ќе чини 70 милиони евра.
Клиничкиот центар ќе биде изграден на просторот на стариот објект на Клиниката за гинекологија и ќе опфаќа површина од 61 500 метри квадратни.
Во него ќе бидат сместени сите клиники освен Инфективна , Клиниката за детски болести и Стоматологија и Максилофацијална хирургија.
Клиниката за радиологија нема да се руши и ќе биде административен објект, а Интерните клиники ќе бидат урнати во целост. Во кругот на Клиничкиот центар ќе бидат изградени две катни гаражи, а секоја од нив предвидува простор за 1250 возила.
.jpg)
Според министерот за здравство Никола Тодоров ова е идејно решение на фасадата на клиничкиот центар, кое е можно да претрпи промени. Гигантскиот објект ќе биде изграден со пари од кредитот на Банката на советот на Европа, а Македонија ќе учествува со котација од 50 проценти во изградбата.
Тодоров не сакаше да зборува за деталите на оваа кредитна линија која граѓаните на Македонија ќе ја исплаќаат во наредните 20 години.
.jpg)
– Ова е многу поволен кредит, а за деталите од кредитната линија во кој државата има сериозно учество во некоја друга прилика, изјави Тодоров.
Инаку, стартот на изградбата на објектот доцни цела година. Уште минатата година министерот Тодоров и премиерот Груевски ја најавија изградбата на новиот Клинички центар која беше предвидено да започне годинава.
