Околу 30 луѓе вечерва дивееле и ги искршиле влезните врати во Ургентниот центар во Градската општа болница „8 Септември“ во Скопје. Инцидентот се случил вечерва околу 18 откако групата не ги примила најдобро вестите дека лекарите не успеале да го спасат нивниот роднина.
Реанимацијата траеле околу 40 минути, но човекот починал, по што тие почнале да дивеат и да кршат се околу себе. Влегле дури и во просторијата за реанимација.
„Кршеа се пред себе, влегоа насилно и во собата за реанимиација. Го земаа починатиот и со возило без регистарски таблички го однеле во непознат правец. Неколку екипи од МВР се уште вршат увид во болницата, се проверуваат снимките од камерите“, изјави директорот Сашо Стојчев.
Засега нема информции од што починал пациентот, ниту кои се луѓето што во толку голем број биле дојдени со него.