Македонскиот актер Тони Наумовски ќе настапи во улогата на Кралицата Јокаста во претставата „Цар Едип“ од Софокле која на 7. март премиерно ќе биде поставена на сцената на театарот „LaMaMa” во Њујорк. Во овој театар на почетокот на кариерите настапувале Ал Пачино и Роберт де Ниро.
Наумовски се потпишува и како музички директор, а во рамки на претставата ќе биде изведена и македонска музика.
Режијата е на Марк Гринфилд и сценографија на Мајкл Касели.
Ова е петти настап на Наумовски на оваа театарска сцена и четврта соработка со режисерот Марк Гринфилд. Претходно играл во “Седум против Теба”, “Џејсон и Аргонаутите” и “Персијанци” за кои ја напишал и музиката. Претставата во “LaMaMa” ќе се игра три недели.