На европскиот континент започна шопинг-лудилото наречено „Црн петок“, кое е преземено од американската традиција.
Од утрово пред продавниците во Велика Британија има навала од нестрпливи купувачи, кои се обидуваат да купат производи со попуст. Купувачите признаваат дека во турканиците и лудилото често купуваат и работи за кои воопшто не се сигурни дека им се потребни.
Сепак, дежурале во текот на ноќта во очекување да се отворат продавниците.
Најголеми гужви има во продавниците за техничка опрема, кои практично биле испразнети само еден час по отворањето.
Во мешаниците и турканиците често започнуваат и физички инциденти, па утрово во неколку најголеми супермаркети во Велика Британија била побарана и полициска асистенција, по што најмалку две лица била уапсени.
За денеска и Скопје Сити Мол најави „Црн петок“ во Македонија, каде што акцентот на попустите е ставен на бела техника. За граѓаните се овозможени намалувања кај голем дел од закупците, кои ќе се движат од 20% проценти нагорe