Претседателот на САД Доналд Трамп го напушти Националниот воено-медицински центар „Валтер Рид“ и се врати во Белата куќа. Првиот човек на САД три ноќи помина во болницата лекувајќи се од коронавирус.
Претходно, Трамп преку твит направи кратко резиме на своето искуство, во кое и го најави заминувањето од центарот.
I will be leaving the great Walter Reed Medical Center today at 6:30 P.M. Feeling really good! Don’t be afraid of Covid. Don’t let it dominate your life. We have developed, under the Trump Administration, some really great drugs & knowledge. I feel better than I did 20 years ago!
— Donald J. Trump (@realDonaldTrump) October 5, 2020
„Не плашете се од Ковид-19. Не дозволувајте да доминира во вашиот живот. Развивме, под мојат администрација, навистина добри лекови и знаење”, напиша Трамп, дури и откако неговите лекари предупредуваа дека тој сè уште не е “надвор од шумата”.
Зградата, односно Белата куќа во која се враќа, стана центар за вирусна зараза – делумно поради непочитување на мерките за ублажување.
Трамп излезе од влезните врати на болницата во 18 часот и 38 минути.
Тој се спушти по неколку скалила по своја волја облечен во костум и со заштитна маска. Трамп им мавташе на новинарите и кажа „благодарам“, пред да влезе во автомобилот.