Претседателот на САД, Доналд Трамп потпиша указ со кој на неодредено време го суспендира влезот во државата за сириски бегалци и го лимитира влезот на други бегалци во земјата, објави CNN.
Насловен „Заштита на нацијата од влез на странски терористи во САД“, указот како наредба го исполнува ветувањето на Трамп кое тој го даде за затегнување на границите и спречување на одредени бегалци да влезат во САД.
Според драфтот на документот кој веќе кружи во некои медиуми, ќе се инсистира на етаблирање безбедносни зони во Сирија кои на Сиријците ќе им дадат можност да бидат релоцирани.
Наредбата им забранува на луѓето од одредени земји каде има тероризам да влезат во САД 90 дена, се додека не бидат соодветно проверени од државата.
Земјите кои ќе бидат на удар се Иран, Ирак, Сирија, Судан, Либија, Јемен и Сомалија.
„Објавувам дека влезот на луѓе од Сирија како бегалци е штетен за интересите на САД и го суспендирам нивниот влез“, пишува во наредбата потпишана од Трамп.
Вкупниот влез на бегалци примени во САД исто така ќе биде намален за 2017-та на 50 илјади од сегашниот просек кој е 110 илјади.
„Основам нови мерки за проверка и одобрување за влез во земјата за да ги држам надвор од САД, радикалните исламски терористи. Не ги сакаме овде“, изјави Трамп по потпишувањето.
Тој во интервју претходно изјави дека САД ќе им дава предност на бегалци – христијани, над другите луѓе кои бараат да влезат во земјата.