Доналд Трамп му нареди на Пентагон да започне со тестирање на нуклеарно оружје на ниво споредливо со она на Кина и Русија, објавува „Гардијан“.
Во објава на „Трут Соушл“, Трамп рече дека „во светлината на програмите за тестирање на другите земји, му наредил на Пентагон да започне со тестирање на нашето нуклеарно оружје на рамноправна основа“.
Овој процес ќе започне веднаш, рече американскиот претседател.
Објавата дојде помалку од еден час пред Трамп да се сретне со кинескиот претседател Си Џинпинг во Јужна Кореја, во обид да постигне примирје во трговската војна.
Соединетите Американски Држави последен пат спроведоа целосен тест на нуклеарно оружје во 1992 година, а не е познато дека Кина и Русија спровеле такви тестови од истиот период. Референцата на Трамп за „на рамноправна основа“ остави нејасно каков вид тестирање на оружје би можело да се случи или дали тој се осврнува на демонстрација на сила слична на оние што неодамна ги спроведе Русија, наведува „Гардијан“.