Сликата „Трите студии на Лусијан Фројд“ стана најскапото уметничко дело некогаш продадено на аукција, со цена од 142,4 милиони долари. Скулптура на Џеф Кунс исто така го надмина рекордот на аукција за дело на сеуште жив уметник.
Триптихот на Бекон од 1969 година никогаш претходно понудена на аукција, според пред-продажната проценка вредеше околу 85 милиони долари. Претходно, најскапото уметничко дело на Бекон изнесуваше 86,3 милиони долари, цена поставена во 2008 година.
Цената на „Трите студии на Лусијан Фројд“ ја надмина онаа од 120 милиони долари на Едвард Мунк за делото „Врисокот“, кое постави светски рекорд кога беше продадена во 2012 година.
Скулптурата на Кунс, која исто така го надмина претодниот рекорд претставува ексентрично портокалово куче-балон, висока 3 метри изработена од не’рѓосувачки челик. Продадена е за 58,4 милиони долари. Од организацијата одговорна за аукцијата, не го соопштуваат името на купувачот.