Breaking Bad“ ja доби наградата за најдобра ТВ драма на годинашното доделување на ЕМИ наградите. Останати номинирани во оваа категорија беа “Downtown Abbey”, “Game of Thrones”, “Homeland”, “House of Cards” и “Mad Men”.
За најдобра женска улога наградата ја доби актерката Клер Денс која толкуваше улога на агент во серијата „Homeland“, додека наградата за најдобра машка улога ја доби Џеф Даниелс за серијата „News Room“.
Во категоријата “Најдобра ТВ серија комедија“ триумфираше “Modern Family”. Номинирани беа “The Big Bang Theory”, “Girls”, “Louie”, “Veep” и “30 rock”.
Актерката Ана Ган ја доби Еми наградата за најдобра женска споредна улога, во серијата „Breaking Bad“, додека Боби Канавале ја доби наградата за најдобра машка споредна улога за серијата „Boarwalk Empire“.
Актерот Џим Парсонс ја доби Еми наградата за најдобра машка улога во комедија за серијата „Big Bang Theory“, додека номинирани беа и „30 Rock“, „Girls“, „Louie“, „Modern Family“ и „Veep“.
Еми наградата за најдобра мини серија ја освои „Behind the Candelabra“, серија во која станува збор за животот на славниот забавувач Либерачи. Награда доби и режисерот Стивен Содерберг и Мајкл Даглас, како водечки актер.
Лора Лини триумфираше во категоријата за најдобра актерка во мини серија, односно за “The Big C: Hereafter” .
Со наградата “Најдобар актер во ТВ серија комедија“ се здоби Џим Парсонс, за улогата на Шелдон Ли Купер во серијата “The Big Bang Theory”. Наградата ја доби во конкуренција на Алек Болдвин, Луис С.К., Џејсон Бејтмен, Мет Лебланк и Дон Чидл.
“Најдобро сценарио на ТВ серија комедија“ е на Тина Феј, заедно со Трејси Вифилд за “30 rock”, а во истата серија Феј го игра ликот на Лиз Лемон. Во оваа категорија беа номинирани Џефри Кларик и Дејвид Крејн, Луис С.К. и Памела Алдон, Грег Даниелс и Роберт Карлок и Џек Бурдит.
Џулија Луис Драјфас се здоби со награда за “Најдобра актерка во ТВ серија комедија“, за улогата во серијата “Veep”, каде го глуми ликот Селина Мејер. Заедно со неа, во истата категорија беа номинирани и Лора Дерн, Лина Данам, Еди Фалко, Тина Феј и Еми Полер.
“Најдобра машка споредна улога во ТВ серија комедија“ е признание со кое се здоби Тони Хејл за серијата “Veep”. Тој го глуми ликот на Гери Волш. Во оваа категорија, заедно со Хејл, беа номинирани Адам Драјвер, Џеси Тајлер Фергусон, Ед О’Нил, Тај Барел и Бил Хедер.