Тројца штипјани на возраст од 18 до 24 години загинаа во сообраќајна несреќа на патот Скопје-Велес, кај наплатната рампа Петровец.
Тие со автомобил Фолксваген Поло на 500 метри пред патарината Петровец, ја изгубиле контролата над возилото и ја пробиле заштитната ограда на патот, при што завршиле во каналот кој се наоѓа во близина на автопатот.
Тројцата штипјани Стефан Николов (22), Бојан Бочварски (25) и Јани Димитриев (18) загинале на самото место, животот го загубиле на лице место.
Нивните родители побарале информации од полицијата во Штип откако до 19 часот не успеале да стапат во контакт со момчињата.
Момчињата синоќа биле на свадбена веселба кај позната пратеничка Во Скопје.
Поради трагичната вест на местото на несреќата набрзо пристигнале голем број на автомобили со штипски регистарски таблички, најверојатно роднини на загинатите.
Речиси сите штипски кафулиња и ноќни барови ја прекинаа музиката по дознавањето на лошата вест. Момчињата се од познати штипски фамилии.