Аналитичарите коментираат дека цените, барем привремено, се ослободени од премии поврзани со геополитички ризици, објави консултантската компанија Агрител, пренесува порталот Agrarheute.
Претходните извештаи укажуваа дека светскиот пазар сега е преплавен со украинска, особено руска пченица, а цената ја намали и најавата за рекордна жетва во Австралија, која ја намали загриженоста околу глобалната понуда.
Според извештаите, цените на пченицата паѓаат на 300 евра за тон, а на берзата во Чикаго достигнаа годишен минимум или ниво пред руско-украинскиот конфликт.
Се чини, сепак, дека приказната е далеку од завршена и дека покрај вообичаените проблеми во зимскиот период, во следните недели се повеќе ќе доаѓаат до израз и геополитичките проблеми, сметаат аналитичарите на консултантската куќа Агрител.
Европската Унија веќе извезла 14,9 милиони тони обична пченица до 4 декември, што е малку повеќе од 14 милиони во претходната кампања. Само Франција извезла 5,89 милиони тони, а Германија продала 1,58 милиони на трети земји. Според објавените податоци, увозот на пченка на ниво на ЕУ изнесува 12,56 милиони тони (од кои 43% се од Украина), што е значително повеќе од лани.
Според анализата на Агрител, Кина останува клучен играч на пазарите по најавеното олеснување на мерките поради ковид 19. Тоа ги зголемува очекувањата дека ќе има зголемена побарувачка за житарки и други земјоделски производи.