Претседателот на СДСМ, Зоран Заев, на денешниот 25.дигитален конгрес објави дека една од предлог-статутарните измени која треба денеска да биде изгласана е црвената боја да стане официјална боја на владеачката партија.
– Прв пат ќе ја впишеме црвената боја, тоа е боја на левицата, на социјалдемократијатра, на победата, боја на слободата, на животот, тоа е боја на македонската иднина, рече лидерот во онлајн обраќањето.
Тој додаде дека во статутот на СДСМ ќе биде формиран и Форум на пензионери, како што има Форум на жени и Социјалдемократска младина на Македонија.
– Очекувам дека овие одлуки низ плодна дебата тие денеска да бидат усвоени од страна на конгресот, додаде премиерот.
Со денешните измени, СДСМ ќе биде првата партија во која непосредно секој член ќе може да гласа и директно ќе одлучува кој ќе ја раководи. Тоа за прв пат ќе се случи следната година на пролет кога истекува мандатот на актуелното раководство.
– Сакаме да обезбедиме уште поголема демократизација и да бидеме поблиски до членството и до граѓаните. Да обезбедиме уште поголема инклузивнсот, наведе Заев.
Тој како една од измените порача дека е воведувањето на родова еднаквост.
– СДСМ е прва партија, а може и во Европа и Светот, со целосна еднаквост на мажите и жените во органите на партијата, порача Заев.