„Градители на империјата или Шмурц“ по текст на Борис Вијан е претстава на театарот „Хајал Пердеси“ од Истанбул а вечерва ќе се игра во МКЦ во склоп на Интернационалниот театарски фестивал „Скупи фестивал“. Режијата е на Александар Поповски.
Поради мистериозните звуци на липање, едно семејство кое живее во висококатница го напушта својот стан за да се пресели во тесните повисоки катови. Без воопшто да знаат што е тоа што ги престрашува, секое ново бегство се претвора во патување кон осаменост и морална деградација. Патувајќи низ најтемните амбиции на луѓето, претставата преку трагикомичните карактери го открива негирањето на животот се до последното соочување, објаснуваат за претставата од „Скупи фестивал”.
Картите се по цена од 150 денари и може да се купат на билетарата на МКЦ пред самиот почеток. Претставата е со превод на македонски јазик.