Нелагодно мирно е утрово, во центарот на Истанбул, откако ноќеска во судирите, турските полицајци ги растераа анти-владините демонстранти, јавува Би-Би-Си. Демонстрантите се собраа на плоштадот Таксим, ден после спорадичните судири.
Многу од нив се прегрупираа во близина Гези Парк, каде владините планови за градење ги поттикнаа протестите кои се раширија во национално анти-владини немири.
Премиерот рече дека нема да има толеранција за луѓето кои тој ги обвинува дека се обидуваат да наштетат на Турција.
Демонстрантите го обвинуваат премиерот Реџеп Тајип Ердоган дека станува се повеќе авторитарен и се обидува да наметне конзервативни исламски вредности на секуларната држава.
Ердоган треба да се сретне група на луѓе – вклучувајќи актерка, пејачка и писател – за кои тој се надева дека можат да посредуваат кај демонстрантите.
Во насилната интервенција на турската полиција против илјадници демонстранти има голем број повредени. Според различни извори на информации, бројот на повредените се движи од неколку десетици до неколку стотици.
Полицијата против 30. те илјади демонстранти во Истанбул употреби водени топови, солзавец и гумени куршуми, додека демонстрантите фрлаа со камења, молотови коктели и пиротехнички материјали.
Дел од младите луѓе кои протестираа поради страв од повреди, на рацете си ја имаат напишано крвната група. Во хотел, во близина на Таксим, е направена импровизирана станица каде се примаа повредените.