Вестите за вистинската состојба во Турција се се пооскудни. Иако на социјалните мрежи со денови се шират информации дека во антивладините протести има загинати, а Амнести интернешнал за време на викендот јави дека има двајца загинати, турските власти со неколку дена задоцнување одлучија да ги потврдат смртните случаи.
Првата службена потврда на жртвите кои загинаа во нередите стигна за 20-годишното момче Мехмед Ајвалитас, кој загинал кога такси возило влетало во групата демонстранти.
Втората потвда е за смртта на 22-годишниот Абдула Комерт, припадник на опозициската Републиканска народна партија, кој бил застрелан. Власта јави дека тој бил „тешко повреден во пукање од страна на неиндентификувано лице“, па подоцна починал во болница.
Вистинскиот број на настраданите засега е непознат, се стравува дека се многу поголем. Неофицијалните бројки зборуват на стотина повредени.
Едно од најголемите здруженија на работничкиот синдикат, Кеск, кое брои 240.000 работници, реши да ги поддржи антивладините протести низ цела Турција.
Здружението кое соединува 11 синдикати ја обвинуваат Владата за „државен терор“ и непочитување на демократијата.
Штрајкот кој е најавен за денеска и утре ќе ги погоди училиштата, гимназиите, државните институции и управи…