Белгискиот експерт помеѓу партиите, Питер Ванхауте, кој работи на завршување на политичката криза во Македонија, е често активен на социјалните мрежи преку својот Фејсбук профил или преку Твитер.
Пред новинарите е секогаш отворен за изјава пред или по завршувањето на состанокот на работните групи на партиите во Клубот на пратеници, а чест случај е своите пораки да ги објавува и на социјалните мрежи. Неговите пораки треба да се сфатат сериозно бидејќи тој најдобро знае во каква атмосфера се преговара помеѓу партиите, иако никогаш не испратил директна критика до преговарачите со цел да се зачува текот на процесот.
Денес, објавувајќи дека продолжуваат преговорите, на Твитер објави фотографија од маче и порака, својствено за месец февруари на неговиот профил.
„Уште еден нов ден на преговори за медиумите: Ќе одбереме слобода за медиумите или понижувачка контрола врз медиумите“, се вели во Твитер-пораката на Ванхауте дополнувајќи ја со фотографија на која се вели: „Мислам дека ја сакам слободата на медиумите се додека ги контролирам“.
Во однос на 14.февруари, денот кога светот ја слави љубовта, Ванхауте твита: „Не се имплементирани Реформските приоритети и препораките од Прибе?“, дополнувајќи ја сликата со маче кое порачува „Нема бакнежи за Св. Валентин“.
Ноќта за време на распитот на екс-министерот за транспорт и врски, Миле Јанакиески во кривичниот суд, по најавената акција „Титаник“, Ванхауте објави порака која може да се толкува како шифрирана, а за тоа како ќе ја толкувате, останува на вас:
Неговата заштитна карикатура, мачето на Твитер се јави и за време на симболичниот протест пред Владата, преку кој граѓанските активисти алармираа за обемното иселување на младите од Македонија.
„Минута молк во 12 часот за оние кои ја напуштија својата земја во потрага по подобра иднина“, стои во пораката.
Пораката на 12 февруари е повторно поврзана со политичката ситуација во земјава, а за нејзиното толкување, просторот повторно го оставаме на читателите.
„Избори? За да го смениш идентитетот 3 пати во една година? НЕ!“
Несомнено е дека политичката криза во Македонија својата кулминација ја достигна помеѓу 2015 и 2016 година, но фактот говори дека во оваа земја, политичката култура е многу поинаква од демократска. Овде избори се случуваат постојано, овде на ТВ дуел не сме ги виделе политичарите со години, а Ванхауте има огромна улога како меѓународен арбитрар ситуацијата да добие нoв правец, демократски правец.