Рано утринава е уапсен Слободан Богоевски, поранешен разузнавач и директор на УБК. Богоевски е уапсен во Дебар Маало.
Информацијата за НОВА ја потврди Министерството за внатрешни работи, кое најавува дополнителни детали за апсењето, додека медиумите неофицијално објавуваат информација дека најверојатно станува збор за финансиска измама на странски државјани.
Покрај Богоевски уапсени се или се трага по уште десетина лица, а се споменуваат и адвокатски имиња.
Богоевски работи во приватна фирма, а неговото име меѓу другото е познато како дел од осумтемината функционери на МВР кои во 1989 год. беа на удар од тогашната власт и беа суспендирани. Tогашниот републички секретар Јован Трпеновски ги суспендираше: Павле Трајанов, Слободан Богоески, Александар Диневски, Гроздан Цветковски, Беџет Беџети, Јован Чамински, Станое Богев и Миле Илиевски.
Како што изјави Александар Диневски во интервјуто за НОВА (29.03.2013, повод- Загинувањето на новинарот и сопственик Никола Младенов), говорејќи за улогата на осутемината, функционерите во МВР за прв пат јавно проговориле за неоткриените убиства на македонските револуционери, Вевчанскиот случај, за монтираните политички процеси, и за политичката репресија над македонските интелегенција.