Вкупно 15 лица, вклучително и четворица студенти, се во притвор во рамките на антитерористичката истрага за убиството на учителот Самуел Пати во околината на Париз во петокот, соопштиле извори блиски до судството.
Момчето кое е идентификувано како извршител на убиството почина откако беше застрелано од полицијата. Тоа го обезглави наставникот Самуел откако на час по историја на учениците им покажувал карикатури од пророкот Мухамед.
Во притвор е и едно лице „кое претходно било осудувано за терористички дела и тврди дека имала врски со убиецот“.
Истите извори навеле дека еден или повеќе студенти, веројатно за паричен надоместок, му покажале на убиецот Абдула Анзаров (18) каде изгледа Пати и каде се наоѓа во моментот.
Десетици илјади луѓе се собраа во неделата низ Франција за да му оддадат почит на Пати. Националното оддавање почит на убиениот учител е закажано за во среда.
Свирепото убиство, кое се случи во петокот во предградие на Париз, ја шокираше Франција. Илјадници Французи во неделата во повеќе градови излегоа на протести за солидарност со наставниците испраќајќи порака дека „наставниците не сакаат да бидат убивани затоа што си ја вршат работата и ги учат децата на слобода на говор и изразување“.
Убиството ја потресе и европската јавноста, а Европскиот парламент ја почна пленарната седница со минута молчење во знак на оддавање почит на убиениот наставник.