Украинската армија ќе формира единици составени од роботизирани борбени возила, што ќе ги испраќа во битка, најави денеска министерот за одбрана Рустем Умеров.
Украинското Министерство за одбрана, на својот канал Телеграм објави фотографии од роботизираните возила со монтирани митралези. Возилата без екипаж, особено беспилотните летала, станаа клучно оружје во војната со Русија, што започна во 2022 година. Сега двете страни се тркаат да ги заменат војниците на теренот со таков вид на оружје.
Украина гради роботска армија, со цел до крајот на годината да има повеќе од 200 копнени возила без екипаж – UGV. Како што продолжува со распоредувањето на овие роботи, собира вредни податоци и увиди кои ќе го обликуваат развојот на идните автономни системи. Ова искуство ја позиционира Украина да тренира модели со вештачка интелигенција и да го води патот кон распоредување на автономни роботи од следната генерација кога ќе дојде време.
Министерството за одбрана започнува проект со кој ќе се зголеми употребата на системи за копнени возила без екипаж“, најави министерот Умеров.
Министерот за дигитална трансформација, Михаило Федоров, во декември изјави дека на Украина само оваа година ќе и требаат десетици илјади роботизирани возила.