Украинскитe опозициски лидери повикаа на нови масовни протести против одбивањето на претседателот Виктор Јанукович да го потпише трговскиот договор со ЕУ.
Тие бараат нови избори и импичмент на претседателот, јавува ББЦ.
Собирите продолжија во текот на ноќта- илјадници луѓе се собраа на главниот плоштад во Киев.
Полицијата насилно го дисперзираше опозициониот камп во саботата, повредувајќи десетици луѓе. Претседателот рече дека е “шокиран” од полициската акција.
Нов митинг е планиран за недела во 12:00.
Дописникот на Би-Би-Си во Киев,, Дејвид Штерн, вели дека може да бидат поголеми од демонстрациите минатиот викенд, кои привлекоа 50,000-100,000 поддржувачи.
Затворената лидерка на опозицијата и поранешна премиерка Јулија Тимошенко повика Украинците “да не ги остават акциите на властите неодговорени”.
Во пораката што ја прочита нејзината ќерка во саботата, Тимошенко ги повика Украинците: “Летајте, возете, дојдете во Киев од сите делови на Украина, но да се соберете сите на 1 декември.”
“Ние можеме и треба да ги отстраниме овие власти,” лидерот на опозицијата Витали Кличко им изјави на илјади демонстранти пред Киевскиот манастир Свети Михаил Златен купола .
“Ние треба да излеземе и да покажеме дека нема да им дозволиме да не понижат, ќе се бориме за нашите права.”
Тој рече дека поддржувачите патувале од западниот град Лавов и други украински градови да учествуваат во рели во неделата.
Во меѓувреме, судот во Киев ги забрани протестите на Плоштадот на независноста, Европскиот плоштад и на други локации во центарот на градот до 7 Јануари 2014 година.