Управниот суд донесе одлука ќе се прегласува на едно место во Кичево и во три избирачки места во Струмица.
Од вкупно 142 тужби Управниот суд уважил само една тужба на коалицијата предводена од ВМРО-ДПМНЕ за избирачкото место 0734 во Кичево. Од судот велат дека со таа тужба во Кичево нема да се смени видно состојбата, јавува Слободна Европа.
Управниот суд ја одби тужбата на СДСМ за решението на Државната изборна комисија за трите избирачки места во Струмица, што значи дека на 7 април ќе има прегласување на првиот круг во избирачките места „Стара кожара“ и основните училишта „Никола Вапцаров“ и „Маршал Тито“.
Вкупниот број на гласачи на овие три места изнесува 3.255 од кои 2.553 излегле да гласаат на 24 март.
Според податоците на Државната изборна комисија од гласачите, 1.436 гласови отишле на контото на досегашниот градоначалник Зоран Заев, додека неговиот опонент од ВМРО-ДПМНЕ Васил Пишев освоил 1.034.
Вкупната разликата од првиот изборен круг меѓу двајцата кандидати за градоначалници на Струмица изнесува 2.096 гласа.
Кандидатот за гардоначалник на Струмица на здружената опозиција Зоран Заев по одлуката за прегласување во Струмица, излезе со реакција за НОВА: Очекувана е политичка одлука од ДИК, затоа што тоа е политичко тело.
За Управниот суд насекаде белото е бело, само за Струмица белото е црно. Во 120 избирачки места беа отфрлени приговорите, кои се всушност исти и за Струмица , но тука се донесе одлука за прегласување.