Управниот суд од 60 тужби на СДСМ прифати само една и го поништи гласањето само на едно избирачко место во скопската општина Ѓорче Петров, но тие поништени гласови најверојатно нема да влијаат на изборниот резултат од вториот круг.
Тужбите на опозицијата се однесуваa на гласањето за град Скопје, општините Ѓорче Петров, Бутел, Велес, Берово и Карбинци.
Од друга страна, Управниот суд прифати 36 тужби на ВМРО – ДПМНЕ- за општина Центар и Струга каде во недела на неколку избирачки места ќе се гласа по трет пат.
Во недела на 21 април вториот круг од локалните избори ќе се прегласува на 29 избирачки места во скопската општина Центар.
Втор круг ќе има и на девет места во Струга и во едно во скопската општина Ѓорче Петров и во општина Долнени на 39 избирачки места.