Ѕвончето на Детската клиника во Скопје и денеска го разлеа својот радосен звук, зашто уште едно дете, излечено го напушти онколошкото одделение.
Овој пат , ѕвончето го затресе Адријан Стојковски кој ја напушти клиниката по успешното лечење а беше испратен со аплаузи од персоналот и останатите дечиња кои останаа во надеж дека и тие еден ден како Адријан ќе заѕвонат на ѕвончето чиј звук симболично претставува излечено дете.
Мајката на Адријан, Марта Стојковска радосната вест и фотографиите од чинот , ги сподели на социјалната мрежа ФБ на која меѓу другото напиша:
– Како да започнам да го славам овој ден ако не со БЛАГОДАРАМ? Му БЛАГОДАРАМ на БОГА што со неговата милост и сила ни помогна да го поминеме овој најтежок период и да излеземе победници а мојот син ХЕРОЈ.
Му благодарам на целиот персонал од болницата кој несебично беа тука за нас и правеа се што можеа за мојот син и сите деца БОРЦИ.
И мора да се биде БОРЕЦ и мора да се биде силен,само така и со верба во БОГА ќе помине се и ќе се победи секое зло.
Излеговме како победници,излегоа и многу пред нас,но она што е моја желба е и сите после нас да излезат како такви,зошто верувајте ,овие деца го заслужуваат тоа и само тоа. Да бидат ПОБЕДНИЦИ и ХЕРОИ напиша таа на својот ФБ профил.