Иако овој Закон требаше да се најде пред судиите уште пред неколку месеци, сепак одлучувањето беше одложено поради здравствени проблеми на судијата известител за овој Закон, Наташа Габер-Дамјановска.
Македонскиот Хелсиншки комитет за човекови права и пензионираниот адвокат Стамен Филипов, во септември минатата година поднесоа иницијатива до Уставниот суд за оценување на уставноста на 13 одредби од Законот за лустрација, донесен во јуни минатата година.
Иницијативата се однесува на временскиот период опфатен со законот и одредбите кои дозволуваат објавување на имињата на поранешни соработници без судски налог, само со одлука на Комисијата за лустрација.
Ова е третпат, од 2008 година кога првпат беше донесен Законот за лустрација, тој да се најде пред Уставниот суд.
Новиот Закон за лустрација беше донесен откако Уставниот суд укина 12 одредби од стариот закон.