Во организација на Здружението на Украинците во Македонија, „Лесја Украинка“ утре во Соборниот храм на Македонската православна црква во Скопје, Исламската верска заедница, како и Католичката црква ќе се одржат молитви за жртвите од војната во Украина.
– Во војната во Украина веќе загинале илјадници луѓе од различна националност и верска припадност,крвопролевањето секоја минута продолжува. Поради тоа Здружението на Украинци во Република Северна
Македонија „Лесја Украинка“, со дозвола на верските заедници во земјата, ги повикува верниците од различна вероисповед на 1 мај 2022 година (недела) на целата територија на Република Северна Македонија во верските објекти според својата вероисповед и своето место на живеење да се придружат кон организираните религиски обреди со молитви за мир во Украина и во целиот свет, се наведува во соопштението.
– Македонската Православна Црква ќе служи Молебен за мир, веднаш по светата Литургија (почеток наЛитургијата е во 8.00)
– Исламската Верска заедница на РСМ на 1 мај една од петте молитви ќе ја посвети за мир во Украина.
– Во Македонската Католичка црква почетокот на мисата за мир во Украина е во 10.30 часот.
Сите сме различни, но мирот ни е потребен на сите!
Да се помолиме за прекин на војната, на бесмислено и немилосрдно убивање!, се наведува во писмениот допис до медиумите од Здружението на Украинците „ Лесја Украинка“.