Честа прв да настапи на олимписките борилишта во Токио ја има Борјан Бранковски и тоа во стрелаштво во дисциплината 10 метри со воздушен пиштол. Тој на линијата ќе се појави утре, на првиот официјален натпреварувачки ден и тоа со почеток од 6 часот наутро по македонско време. Нешто подоцна, во олимпиското пливалиште ќе настапи Филип Дерковски, кој ќе плива на 400 метри слободно, а чија трка се очекува нешто по 13 часот, објави порталот Sport1.mk
Македонија ќе биде претставувана од осум спортисти на Летните олимписки игри (ЛОИ) во Токио кои денеска ќе бидат свечено отворени. Церемонијата ќе започне во 13 часот, а првпат во историјата таа ќе се одржи на празен стадион, со присуство на само 1.000 „многу важни“ гости.
Поради пандемијата на ковид-19, игрите беа пролонгирани една година.