Утре во Македонија доаѓа братот на американскиот претседател Барак Обама,
Малик Обама на покана од Меѓународната асоцијација „Балкан клуб на мирот“за да ја прими Повелбата за мир.
Асоцијацијата која е регистрирана во Македонија и која ја води Осман Ватреш одлучила својата втора Повелба за мир да ја додели на Фондацијата Барак Обама Хусеин, кое е името на таткото на американскиот претседател Барак Обама, јавуваат дел од медиумите во државата.
Братот на првиот човек на САД, Малик Обама прво ќе допатува во Македонија, а потоа ќе замине на мини балканска турнеја. Наградата на Малик Обама ќе му биде врачена во четврток во хотелот „Александар Палас“ во 16 часот потврдил Ватреш и поранешниот јавен обвинител Ставре Џиков кој е член на Асоцијацијата.
Од Асоцијацијата не посочиле поради што и е доделена повелбата на Фондацијата „Барак Обама Хусеин“. Одлуката ја донела Комисија од 25 членови, во која според Ватреш, има угледни луѓе. Првата повелба била доделена на градот Скопје.