Првиот руски војник на кој му се суди од страна на Украинскиот суд за воени злосторства, се изјасни за виновен за убиство на невооружен 62 годишен маж.
Вадим Шишимарин (21) се појави пред окружниот суд во Киев во квартот Соломјански обвинет за воени злосторства и убиство со умисла.
Шишимарин е обвинет за убиство на невооружен цивил, 62-годишен маж во североисточното украинско село Чупахивка на 28 февруари.
Запрашан пред судот дали е виновен за наводите, вклучително и воени злосторства и убиство со умисла, Шишимарин одговорил со „да“ пишува Гардиан. Доколку биде прогласен за виновен, му се заканува доживотен затвор.
Украинското државно обвинителство соопшти дека Шишимарин – водник од сибирскиот регион Иркутск – и уште четворица руски војници пукале и украле автомобил во приватна сопственост за да избегаат, откако нивната колона била цел на украинските сили.
Војниците со автомобил влегле во селото Чупахивка каде виделе невооружен 62-годишен маж како вози велосипед и разговара на неговиот телефон, велат тие.
Обвинителите рекоа дека на Шишимарин му наредил друг војник да го убие цивилот за да го спречи да известува за присуството на Русите. Користејќи автоматска пушка калашников, тој испукал неколку истрели низ отворениот прозорец на автомобилот во главата на цивилот, велат тие. Цивилот починал на лице место.