Белгискиот експерт и посредник помеѓу партиите, Питер Ванхауте и понатаму е активен на социјалната мрежа Твитер со пораките произнесени од неговите мачиња.
Во пресрет на денешните случувања во Собранието и исчекувањата на јавноста дали парламентарците ќе се самораспуштат и покрај тоа што меѓународната заедница порача дека нема услови за кредибилни избори на 24.април, Ванхауте објави:
„Нема избори во мојата агенда, но полноќ е во неа“. Во листата како трета задача после оброкот и спиењето му е „Паничење на полноќ“.
Питер Ванхауте постојано преку Твитер испраќа пораки за демократија, а утрово порача „Мачките растат, а тоа го може и демократија. Луѓето се тие кои треба да го направат тоа“.
Експертот од Европската унија е постојана мета на напади на медиуми кои во јавноста важат за блиски да власта, а непосредно пред објавувањето на проценката на САД и ЕУ, дали се исполнети условите за избори на 24.април, ВМРО-ДПМНЕ го прогласи Беглиецот за турист во земјава и рече дека повеќе нема да соработува со него.