Ракометарите на „Вардар“ на синоќешната прослава на плоштадот во Скопје по повод европската титула на нашиот најтрофеен ракометен клуб, им се заблагодарија на десетиците илјади присутни за пречекот, за честа што им ја приредија и за поддршката во текот на целата сезона.
-Скопски Вардар, европски првак. Моите соиграчи се најголеми амбасадори на нашата држава. Голем дел не се Македонци, ќе си отидат во своите држави, но ќе кажуваат за Вардар и Македонија. Најубав дел од нивните кариери. Да живее Вардар, да живее Македонија, рече капитенот Стојанче Стоилов.
Игор Карачиќ од бината порача дека целта била „Фајнал фор“, но со доажањето во Келн се обиделе и успеале пак да донесат трофеј.
-Благодарам за сите седум години во Скопје и Македонија. Можеби патот пак ќе ни се вкрсти, рече Карачиќ кој со тоа се прости од неговиот ангажман во Вардар.
-Ние, целиот тим сме МакедонциМислев дека никогаш нема да доживеам ден како во 2017, ама доживеав и во 2019, истакна Тимур Дибиров.
На бината потоа се редеа обраќањата на Чупиќ, Шишкарев, Скубе, Дисингер, Криштопанс, Горбок, Калараш, Кисељев, Војводиќ, Периќ со пораките: „Еден живот, една љубов“, „Голема победа за вас, за нас, за цела Македонија“, „Голема победа за вас, за нас, за цела Македонија“, „Дел сум од вас, дел од Вардар“, „Вие сте најдобри навивачи“, „Горд сум што сум дел од Вардар“, „Сите дадовме се од себе и за државата и за Вардар“, „Оваа е наша заедничка бајка“, „Вредеше да се живее за ова“…
-Вие сте народ со најголемо срце. Игравме за вас и покажавме дека треба да верувате во Вардар. Ги сакам Вардар и Македонија, рече голманот Милосављев.
Тренерот Роберто Гарсија Парондо порача дека титулата е за Вардар, за Скопје и за цела Македонија.
