На програмата на МОТ, вечерва се две проекции и концерт. Во 20 часот во Кино „Култура“ е „Мир со вас“, каде мигрантската криза се раскажува сама преку личните сведоштва на учесниците во неа: бегалци, мигранти и обични Бугари, кои имаат допир со странците. Како изгледа да бегаш од војна? Како се преминуваат границите? Каков е животот во бегалските кампови? Каде е толеранцијата? Постои ли воопшто? Каде е нејзината граница? И смеам ли да претпоставам дека живееме во свет во кој сите сме луѓе? Претставата е создадена од раскази на бегалци, кои екипата на “Vox Populi” ги собира лично, од јануари 2016 година.
Во 22 часот во МКЦ е „Хор на сираци“, претстава без текст, театарската сеанса со оркестар, сопран и актери. Продукцијата инспирирана од романот Боровинките на Ги Круси, нè води во едно сиропиталиште каде што ќе видиме еден ден во животот на неговите жители. Сепак, ова не е емотивна приказна за сираците, туку универзална приказна за човечката осаменост. Сирак – дете што ги загубило двајцата родители, или поретко, еден родител, исто така лице без роднини и блиски.
Во 23.30 часот во МКЦ е концертот на холандските – THE HOMESICK. Tри години по нивниот прв ЕП, кога момците од бендот не беа доволно стари да нарачаат пиво, нивниот поп музички израз се разви во нешто посмело, бучно и експериментално.