Петтото издание на „Синестезија“, настан кој ги спојува сликарството и музиката, ќе се одржи вечерва во клубот „Хавана“. Публиката ќе има можност во живо да гo проследи творечкиот процес на тројца уметници од поновата генерација-Симона Ѓоргиева, Владимир Илиевски и Гоце Илиевски.
Во музичкиот дел ќе настапат „Летечки пекинезери“, а гости на вечерта ќе бидат Оливер Јосифовски и блуз дуото „In the mood“.
На годинашнава „Синестезија“ акцент се става на изложбата на слики од претходните настани. Сликите кои ќе бидат на продажба и средствата од продадените дела ќе бидат донирани во хуманитарни цели.