Комисијата за настаните од 24 декември може да продолжи да работи и без претседател, порача денеска пратеникот и лидер на Либералната партија, Ивон Величковски, кој ги повика ВМРО-ДПМНЕ и СДСМ да ја продолжат работата на Комисијата за настаните од 24 декември и да произведат заклучоци.
– Ги повикувам и двете партии да најдат доволно сили да ги надминат разликите согласно својата обврска пред граѓаните интеграциите да не запрат. Ако на ова прашање не може да најдеме решение, што останува за уште потешките предизвици со кои може да се соочиме во иднина?
– Учеството на Давитковски ќе го дефинира самиот тој. Но деблокадата на Комисијата е можна и само со работата на претставниците на ВМРО-ДПМНЕ и СДСМ и донесувањето на заклучоците и препораките на Комисијата. Впрочен тоа и го сугерира Европската Унија – рече Величковски на денешната прес-конференција.
Величковски смета дека надминувањето на проблемот со комисијата само ќе биде понагласено ако сите пратеници го поттикнуваат ова прашање и во Собранието.
– Јас сум внатре и ги критикувам владините предлози согласно програмата што ја застапувам од 2011 година. Истото може да го практикуваат и сите опозиционери – вели тој.