– Грција е вистинската врата за влез на Скопје во евроатлантските институции, и во суштина негов најголем економски партнер, изјави денеска шефот на грчата дипломатија Евангелос Венизелос.
Венизелос денеска ја информираше Парламентарната комисија за одбрана и надворешни работи за прашања кои се во негова надлежност, при што зборуваше и за името на Македонија, пренесува МИА.
На ова реагираше пратеникот на Нова демократија Еврипидис Стилианидис, кој праша дали името „Горна Македонија“ се смета за географска одредница. Не разбирам, вели тој, дали се придржувате на ставот којшто Грција го изрази во Букурешт.
Шефот на грчката дипломатија одговори дека позицијата на Атина е почитување на одлуките на Советот за безбедност и мисијата на медијаторот Метју Нимиц, и повтори дека до Македонија е испратен меморандум за разбирање.