Францускиот весник „Libération“, на 14 ноември изданието кое го објави беше без слики, а со овој потег искажуваат поддршка за фотографите и новинарите кои ризикуваат многу, а за возврат добиваат многу малку.
„Визуелен шок. Прв пат во историјата „Libération “ е објавен без фотографии. Наместо тоа, објавивме празни рамки кои создаваат тишина, неугодност. Можете да го забележете тоа, недостасуваат информации, како да станавме нем лист. Вести без звук, без малата интерна музика која го придружува погледот“, напиша Бриџит Олие, новинарка во весникот.
.jpg)
Изданието се појави на киосците пред отворањето на познатата изложба „Париз Фото“, но Олие додава дека не станува збор за бдение, бидејќи тие немаат намера да ја „закопаат фотографијата како форма на уметност“, туку дека сакаат да оддадат почит на фотографијата како што таа го заслужува тоа, пренесува „British Journal of Photography “.
Францускиот весник својата одлука на насловната страна го објаснува вака:
– „Libération“ дава заклетва и благодарност на фотографијата, било тоа да е изработена од фоторепортер, моден фотограф, портретист или било кој уметник. Нашата страст за фотографијата никогаш не била во прашање – не бидејќи се употребува за разубавување, шок или илустрација, туку бидејќи фотографијата дава еден пулс на нашиот свет…Ова не е будење, ние не ја закопуваме уметноста…Наместо тоа и даваме на фотографијата признание какво што заслужува. Сепак, никој не може да ја игнорира стресната ситуација со која се соочуваат фоторепортерите, особено „воените“ фоторепортери кои ги ризикуваат своите животи додека едвај преживуваат…“