Шефот на германската дипломатија Гидо Вестервеле од Тирана допатува на средби во Скопје. Ќе се сретне со шефот на државата Ѓорѓе Иванов и министерот Никола Поповски.
Пред заминувањето од Тирана, Вестервел порача дека „нема играње со границите“.
„Германија ги поддржува европските перспективи на државите од Западниот Балкан. Албанските напори на патот кон ЕУ ги поддржуваме исто како и на другите земји во соседството“, изјави Вестервеле по средбата со албанскиот колега, Едмонд Панарити во Тирана.
Вестервеле на албанскиот премиер Сали Бериша му порача дека играњето на националистичката карта е неприфатливо.
„Заедничката цел мора да биде државите од регионот еден ден да станат дел од ЕУ. Оттука за нас, менувањето на границите не доаѓа во предвид, ниту тука на Балканот. Границите го губат значењето во Европа“, порача Вестервеле.
Германските медиуми пишуваат дека западниот Балкан се враќа во фокусот на германската надворешна политика.
„Регионот се наоѓа пред решавачки период и тоа беше јасно наведено за време на првата посета на шефот на германската дипломатија, Гвидо Вестервеле на Тирана.
До јуни треба да се донесат важни одлуки за напредокот на Албанија, но и на другите соседни држави кон ЕУ.