Министерот за надворешни работи на Германија, Гидо Вестервеле утре доаѓа во Македонија на средби со македонскиот државен врв.
Вeстервеле ќе се сретне со претседателот на државата Ѓорге Иванов, со заменик-престедателот на Владата за евроинтеграции Фатмир Бесими и со шефот на дипломатијата Никола Попоски. Најавено е тој да разговара и со претседателот на опозицијата СДСМ Бранко Црвенковски, соопштуваат од МНР и Германската амбасада во Скопје.
Главна тема на разговорите ќе биде процесот на евроинтеграцијата на Македонија во пресрет на Самитот на Европскиот совет во јуни 2013 година. Вестревеле ќе биде информиран и за политичката криза во државата.
– Германија се гледа како еден од клучните партнери на земјите од Западен Балкан. Во согласност со европските партнери, министерот Вестервеле ќе ја искористи посетата за потврдување на очекувањата поврзани со реформските процеси во земјите од регионот и нивно унапредување, се вели во соопштението од Амбасадата.